Նյարդաբանություն և էպիլեպտոլոգիա
"Արաբկիր" ԲՀ-ԵԴԱԻ նյարդաբանական ծառայությունն իրականացնում է արտահիվանդանոցային և հիվանդանոցային ախտորոշիչ գնահատումներ, ինչպես նաև տրամադրում է երկարատև բուժում և վերականգնում` նյարդաբանական խնդիրներով անձանց կյանքի որակը բարելավելու նպատակով:
"Արաբկիր" ԲՀ-ԵԴԱԻ-ում տեղակայված է նաև Հանրապետական մանկական էպիլեպտոլոգիական կենտրոնը: Հովանավորների աջակցությամբ և պետության հովանու ներքո Կենտրոնում գրանցված երեխաներին տրամադրվում է անվճար դեղորայք:
Մեր աշխատանքային թիմը համալրված է նյարդաբաններով, ովքեր մասնագիտացած են և կատարելագործման դասընթացներ են անցել ներքոհիշյալ խնդիրների բուժման ոլորտներում` էպիլեպսիա, զարգացման խանգարումներ, ուշադրության պակասի, քնի խանգարումներ, նյարդամկանային հիվանդություններ, ժառանգական հիվանդություններ, վաղ մանկական հասակի նյարդաբանություն, մտավոր հետամնացություն և մանկական ուղեղային պարեզ: Նյարդաբանական խնդիրներով անձանց տրամադրվում է վերականգնողական խնամք և բուժում, ինչպես նաև հոգեբանասոցիալական խորհրդատություն:
Մեր բաժանմունքում յուրաքանչյուր շաբաթ իրականացվում են թիմային հանդիպումներ` մագնիսական ռեզոնանսային հետազոտության արդյունքների քննարկմամբ: Անհրաժեշտության դեպքում խորհրդատվություն ենք տրամադրում այլ բուժհաստատությունների մասնագետներին, իսկ բարդ դեպքերի համար խորհրդատվություն ենք անցկացնում արտասահմանյան փորձագետների հետ: Այլ բժշկական ոլորտներում աշխատող մասնագետների և ուսանողների համար իրականացնում ենք կրթական դասընթացներ:
Վերջին երկու տարիների ընթացքում մեր ծառայության գործունեությունը էապես ընդլայնվել է, և ներկայումս մենք սերտորեն համագործակցում ենք նյարդաբանության, էպիլեպսիայի, նյութափոխանակության խանգարումների ոլորտներում աշխատող արտասահմանյան մասնագետների հետ: Այդ համագործակցության շրջանակում մեր մասնագետները վերապատրաստվում են արտասահմանյան երկրների մասնագիտացված նյարդաբանական կենտրոններում:
Նյադրաբանական ծառայությունը նաև ներգրավված է էպիլեպսիային և նյութափոխանակման խանգարումներին վերաբերող տարբեր միջազգային դասընթացների կազմակերպման գործընթացներում:
Մասնագիտացման ոլորտներ
Մենք ծառայություններ ենք տրամադրում հետևյալ խնդիրներով անձանց`
- զարգացման հապաղումներ,
- գլխացավեր,
- մանկական ուղեղային պարեզ,
- ցնցումներ և էպիլեպսիա,
- կենտրոնական նյարդային համակարգի ինֆեկցիոն հիվանդություններ,
- նյութափոխանակման հիվանդություններ կենտրոնական նյարդային համակարգի ախտահարմամբ,
- շարժողական գործառույթի խանգարումներ,
- մկանային հիվանդություններ:
Հատուկ հետազոտություններ
Իրականացվում են հետևյալ հատուկ հետազոտությունները`
- Էլեկտրոէնցեֆալոգրաֆիա,
- վիդեո էլեկտրոէնցելոգրաֆիա,
- վիդեո էլեկտրոէնցելոգրաֆիա, երկարատև մոնիթորինգ:
Մեր աշխատակիցները
բժիշկ Բիայնա Սուխուդյան, նյարդաբանական բաժանմունքի ղեկավար
բժիշկ Նունե Աղաբաբյան, նյարդաբան, դիսպանսեր ծառայության ղեկավար
բժիշկ Վարսինե Ջալադյան, նյարդաբան
բժիշկ Ռուզան Քալաշյան, նյարդաբան
Համագործակցություն
Մենք սերտորեն համագործակցում ենք հետևյալ կազմակերպությունների հետ`
Հովարդ Կարագյոզյան հիշատակի ընկերակցություն, ԱՄՆ
Կալիֆորնիայի հայ-ամերիկյան բժշկական կազմակերպություն, ԱՄՆ
Հիվանդանոց հիվանդ երեխաների համար, Տորոնտո, Կանադա
ՀՀ առողջապահության նախարարություն
Տեղեկություններ հիվանդի համար
Արտահիվանդանոցային այցելության համար պայմանավորվածություն ձեռք բերելու նպատակով զանգահարել`(37410) 236 883, ներքին համար` 155
Էլ.փոստ` binok@freenet.am
հասցե` Երևան 0014, Մամիկոնյանց 30
