Մաշկաբանություն
Մաշկավեներաբանությունը (դերմատովեներոլոգիա) բժշկության այն ճյուղն է, որն ուսումնասիրում է մաշկային բնածին և ձեռքբերովի հիվանդությունների, ինչպես նաև սեռական ճանապարհով փոխանցվող հիվանդությունների պատճառները, ախտածագումը և ուղղված է նրանց ախտորոշմանը և բուժմանը:
Մանկական մաշկավեներաբանության բաժանմունքը Հայաստանում հիմնադրվել է 1971թ. է.Ե. Դանիելյանի կողմից: Այդ բաժանմունքը, որը միակն է ՀՀ-ում, 1989-ին տեղափոխվել է "Արաբկիր" ԲՀ-ԵԴԱԻ, որտեղ և գործում է մինչ օրս: Նշված բաժանմունքը մասնագիտական ծառայություններ է տրամադրում մինչև 18 տարեկան երեխաներին:
"Արաբկիր" ԲՀ-ԵԴԱԻ մաշկավեներաբանության բաժանմունքի աշխատակիցները վերապատրաստում են անցել Մոսկվայի, Սանկտ-Պետերբւրգի, Կիևի և այլ խոշոր քաղաքների մաշկաբանական կենտրոններում:
Տվյալ բաժանմունքը նաև ուսումնական բազա է հանդիսանում Մ. Հերացու անվան Երևանի պետական բժշկական համալսարանի ուսանողների և կլինիկական օրդինատորների համար:
Մասնագիտական ոլորտներ
Մանկական մաշկավեներաբանության բաժանմունքի մասնագիտական ծառայություններն ուղղված են հետևյալ խնդիրներին՝
- մաշկի եղջերացման խանգարման հետևանքով առաջացած հիվանդություններ (իխթիոզ, ֆոլիկուլյար հիպերկեռատոզ, պսորիազ, կարմիր տափակ որքին և այլն)
- բուլյոզ դերմատոզներ (հասարակ բշտախտ, բնածին բուլյոզ էպիդերմոլիզ, Դյուրինգի հերպետիֆորմ դերմատիտ)
- ալերգոդերմատոզներ և նեյրոդերմատոզներ (ատոպիկ դերմատիտ, նեյրոդերմիտ, սեբորեային դերմատիտ, էկզեմա, քորպտիկ)
- մաշկի պիգմենտացիայի խանգարումներ (վիտիլիգո, նևուսներ)
- մազաթափության տարբեր տեսակներ
- վիրուսային հիվանդություններ (հասարակ և գոտևորող հերպես, կոնտագիոզ մոլյուսկ, գորտնուկներ)
- ստրեպտոստաֆիլոդերմիաներ (հասարակ ակնե, ֆոլիկուլիտ, ֆուռունկուլ)
- կեռատոմիկոզներ (գունափոփոխ որքին, էրիթրազմա)
- սեռական ճանապարհով փոխանցվող հիվանդություններ
Մեր մասնագետները
բժիշկ Նելլի Թովմասյան, մաշկաբան
բժիշկ Արմինե Ադիլխանյան, մաշկաբան
Համագործակցություն
Մաշկաբանության և ՍՃՓՀ-ի բժշկագիտական կենտրոն
Տեղեկություններ հիվանդի համար
Այցելության համար պայմանավորվածություն ձեռք բերելու և անհրաժեշտ տեղեկություններ ստանալու համար զանգահարել՝ (37410) 238 089, ներքին համար` 11-07
