Առաքելություն
Ինստիտուտի առաքելությունն է բարելավել երեխաների և դեռահասների առողջությունը և բարեկեցությունը Հայաստանում:
ԵԴԱԻ-ի նպատակներն են`
- մշակել ազգային քաղաքականություններ և կանոնակարգեր տարբեր մակարդակներում մանկական առողջապահության համակարգը բարելավելու նպատակով ` ՀՀ առողջապահության նախարարության օժանդակությամբ,
- հավաքագրել և մշակել տեղեկություններ Հայաստանում երեխաների առողջական իրավիճակի մասին,
- մշակել ուղեցույցներ տարբեր հիվանդությունների վարման և բուժման վերաբերող թեմաներով,
- խորացնել բուժաշխատողների գիտելիքները և բարելավել բուժաշխատողների աշխատանքը` կազմակերպելով շարունակական բժշկական ուսուցում` դասընթացներ, դասախոսություններ, համաժողովներ և ֆորումներ,
- աջակցել երեխաների իրավունքների պաշտպանությանն ուղղված աշխատանքներին,
- խթանել առողջության պահպանումը, ինչպես նաև աջակցել առողջ ապրելակերպի գաղափարը սերմանելու և խթանելու ուղղությամբ իրականացվող աշխատանքներին,
- ստեղծել երիտասարդներին բարյացակամ ծառայություններ և աջակցել նրանց զարգացմանը Հայաստանում,
- նպաստել երեխաների ոչ վարակիչ հիվանդությունների վաղ հայտանբերման և վարման բարելավմանը,
- կազմակերպել շարժական բժշկական թիմերի այցերը Հայաստանի տարբեր շրջաններ մասնագիտացված բժշկական օգնություն տրամադրելու նպատակով:
Մեր աշխատանքի հիմնական սկզբունքները
Համագործակցություն 
Լավագույն արդյուանքն ապահովելու նպատակով ԵԴԱԻ-ն սերտորեն համագործակցում է երեխայի առողջության ոլորտում գործունեություն իրականացնող բոլոր շահագրգիռ կողմերի` մասնագետների, հանրապետության և մարզերի մակարդակով պետական մարմինների, ազգային և միջազգային փորձագետների, հանրային առողջապահության, կառավարական կառույցների և ՀԿ-ների, ինչպես նաև միջազգային կազմակերպությունների հետ: Մենք համագործակցում ենք բազմաթիվ կազմակերպությունների հետ, այդ թվում` Առողջապահության համաշխարհային կազմակերպությունը, ՄԱԿ-ի Մանկական հիմնադրամը և առողջապահության ոլորտում գործող այլ առաջատար կազմակերպություններ:
Երկար տարիների ընթացքում «Արաբկիր» ԲՀ-ԵԴԱԻ-ն առաջնային տեղ է զբաղեցրել Հայաստանում երեխաների առողջության բարելավմանն ուղղված աշխատանքներում` ներդնելով մանկաբուժության ոլորտի նորարարական մոտեցումները: Ներկայումս ԵԴԱԻ-ն ծավալուն գործունեություն է իրականացնում սեփական և այլ մանկաբուժական առողջապահական կառույցների գործելակարգը միջազգային չափանիշներին համապատասխանեցնելու ուղղությամբ:
ԱրդյունավետությունԵԴԱԻ-ն մշտապես կատարելագործում է իր կողմից իրականացվող աշխատանքները` դրանք առավել արդյունավետ դարձնելու նպատակով: Այդ գործընթացը ԵԴԱԻ-ի առաջնայնություններից է, քանի որ դա չափազանց կարևոր է լավագույն արդյունքն ապահովելու և Հայաստանում սահմանափակ ռեսուրսների արդյունավետ կառավարման համար:
ՀաշվետվողականությունՏարբեր երկրներից բազմաթիվ գործընկերների հետ 17 տարիների համագործակցությունն ապացուցել է հաշվետվողականության կարևորությունը երկարատև, արդյունավետ համագործակցություն ստեղծելու համար:
Կայունություն
Հայաստանում առողջապահության ոլորտի զարգացման պատմության մեջ առկա են բազմաթիվ օրինակներ, որոնք փաստում են այն մասին, որ նախապես մշակված կատարյալ ծրագրերն ընդհատվել են արտաքրին ֆինանսավորման դադարեցման պատճառով: Հետևաբար, ցանկացած ծրագրի առաջին փուլից սկսած, կայունությունն առաջնայնությունների թվում է: Մենք մշակում ենք համապատասխան մեխանիզմներ մեր կողմից իրականացվող ծրագրերի կայունությունն ապահովելու ուղղությամբ:
