Գործունեություն

ԵԴԱԻ-ի նպատակներն են`

մշակել ազգային քաղաքականություններ և կանոնկարգեր տարբեր մակարդակներում մանկական առողջապահության համակարգը բարելավելու նպատակով ` ՀՀ առողջապահության նախարարության օժանդակությամբ,
հավաքագրել և մշակել տեղեկություններ Հայաստանում երեխաների առողջական իրավիճակի մասին,
մշակել ուղեցույցներ տարբեր հիվանդությունների վարման և բուժման վերաբերող թեմաներով,
խորացնել բուժաշխատողների գիտելիքները և բարելավել բուժաշխատողների աշխատանքը` կազմակերպելով շարունակական բժշկական ուսուցում` դասընթացներ, դասախոսություններ, համաժողովներ և ֆորումներ,
աջակցել երեխաների իրավունքների պաշտպանությանն ուղղված աշխատանքներին,
խթանել առողջության պահպանումը, ինչպես նաև աջակցել առողջ ապրելակերպի գաղափարը սերմանելու և խթանելու ուղղությամբ իրականացվող աշխատանքներին,
ստեղծել երիտասարդներին բարյացակամ ծառայություններ և աջակցել նրանց զարգացմանը Հայաստանում,
նպաստել երեխաների ոչ վարակիչ հիվանդությունների վաղ հայտանբերման և վարման բարելավմանը,
կազմակերպել շարժական բժշկական թիմերի այցերը Հայաստանի տարբեր շրջաններ մասնագիտացված բժշկական օգնություն տրամադրելու նպատակով:

Իր նպատակներն իրագործելու համար ԵԴԱԻ-ն իրականացնում է հետևյալ ծրագրերը հանրապետության և մարզերի մակարդակներով`

երեխաների աճ և զարգացում,
զարգացման հապաղում ունեցող երեխաների վաղ հայտնաբերում և վերականգնողական միջամտություն,
բնածին հիպոթերիոդիզմի նեոնատալ սկրինինգ:

ԵԴԱԻ-ն մշակել է տարբեր քրոնիկ հիվանդություններով երեխաների երկարաժամկետ վերահսկողության մոդել, որը ներառում է հետևյալ ոլորտները`

պարբերական հիվանդություն,
էպիլեպսիա,
թոքաբանություն, ալերգոլոգիա և բրոնխիալ ասթմա,
սուրդոլոգիա,
հոդաբանություն,
գաստրոէնտերոլոգիա և լյարդաբանություն,
նեֆրոլոգիա,
էնդոկրինոլոգիա /շաքարային դիաբետ երեխաների շրջանում:

ԵԴԱԻ-ն աջակցում է ՀՀ առողջապահության նախարարության կողմից իրականացվող հետևյալ ծրագրերին`

մանկական հիվանդությունների ինտեգրված կառավարում/վարում,
հիվանդանոցային խնամք,
առողջ դպրոց,
դեռահասներին բարյացակամ առողջապահական ծառայություններ,
նեոնատալ ինտենսիվ խնամք,
երեխաների և դեռահասների առողջության և զարգացման ազգային ռազմավարության մշակում, տես` European CAHD Strategy, Assessment Tool, Action Tool և Information Tool/.